တောင်းသာ တောင်းပါ

ကျွန်ုပ်တို့၏အိမ်မြေအောက်ခန်းမှ ဇနီးသည်ရှယ်လီ၏ ရွှင်မြူးသောအော်သံများ ထွက်ပေါ်လာသည်။ သူမသည် သတင်းလွှာစီမံကိန်းတစ်ခုနှင့် နာရီပေါင်းများစွာ နပန်းလုံးခဲ့ရပြီး အလုပ်ကို အပြီးသတ်ရန် အဆင်သင့်ဖြစ်နေပါပြီ။ မည်ကဲ့သို့ရှေ့ဆက်လုပ်ရမည်ကို မသိဖြစ်နေ၍ စိုးရိမ်မှုနှင့်မရေရာမှုများကြောင့် ဘုရားသခင်မစကူညီရန် သူဆုတောင်းခဲ့သည်။ ဖေ့စ်ဘွတ်ခ်မှ သူငယ်ချင်းများနှင့်လည်း ဆက်သွယ်ခဲ့ပြီး မကြာမီတွင် အဖွဲ့သားများပါဝင်ကြိုးပမ်းမှုဖြင့် သူမ၏လုပ်ငန်းစီမံကိန်း ပြီးစီးခဲ့သည်။

သတင်းလွှာစီမံကိန်းသည် ဘဝ၌ ဘာမှမဟုတ်သော်လည်း သေးငယ်သောအမှုများသည်လည်း စိုးရိမ်မှု (သို့) သောကများကို ယူဆောင်လာနိုင်သည်။ သင်သည် ပထမဆုံးအကြိမ် ကလေးပြုစုပျိုးထောင်သော မိဘတစ်ဦး၊ ပညာရေး၌ စိန်ခေါ်မှုအခက်အခဲအသစ် ကြုံနေရသည့်ကျောင်းသား၊ ချစ်ရသူဆုံးရှုံး၍ ဝမ်းနည်းကြေကွဲနေသောသူ၊ သို့မဟုတ် အိမ်၊ လုပ်ငန်း၊ အမှုတော်သာသနာတွင် စိန်ခေါ်မှုများကြုံတွေ့နေရသူ ဖြစ်ကောင်းဖြစ်မည်။ ကျွန်ုပ်တို့သည် တစ်ခါတစ်ရံ မလိုအပ်ဘဲ ပူပန်နေတတ်ကြသည်။ အဘယ်ကြောင့်ဆိုသော် ဘုရားရှင်ထံ အကူအညီ မတောင်းခံခြင်းကြောင့်ဖြစ်သည် (ယာ ၄:၂)။

မစမှုလိုအပ်ချိန်များတွင် ဖိလိပ္ပိမြို့ရှိ သခင်ယေရှုနောက်တော်လိုက်များနှင့်ကျွန်ုပ်တို့အား “အဘယ်အမှုကိုမျှ…

ကျွန်ုပ်စိတ်နှလုံးကို သူသိသည်

ကုန်စုံဆိုင်တစ်ခု၏ ကိုယ်တိုင်ငွေရှင်းရသည့်နေရာတွင် စျေးဝယ်သူတစ်ဦးသည် ငွေပေးချေပြီးသွားသဖြင့် ကျွန်ုပ်သည် ကျွန်ုပ်၏ကုန်ပစ္စည်းများကို စကင်န်ဖတ်ပြီးငွေပေးချေရန် ထိုငွေရှင်းသည့် နေရာသို့သွားရောက်ခဲ့သည်။ ထိုစဥ် မမျှော်လင့်ဘဲ သိသိသာသာ ဒေါသထွက်နေသူတစ်ဦးကို ရင်ဆိုင်လိုက်ရသည်။ ငွေရှင်းရန်တန်းစီနေသော သူမအလှည့်ဖြစ်သည်ကို ကျွန်ုပ်သတိမထားမိခြင်းပါ။ ကိုယ့်အမှားကို ကိုယ် သတိပြုမိလိုက်ပြီးနောက် “တောင်းပန်ပါတယ်”ဟု ရိုးသားစွာ ပြောလိုက်သော်လည်း သူမက “မဟုတ်ဘူး၊ ရှင်တောင်းပန်နေတာ မဟုတ်ဘူး” အစရှိသည့် စကားလုံးများစွာဖြင့် ကျွန်ုပ်ကို ပြန်ပက်ခဲ့သည်။

မိမိမှားခဲ့ပြီး၊ ထိုအမှားကို ဝန်ခံလျက်၊ အခြေအနေကို မှန်ကန်တည့်မတ်ရန် ကြိုးစားခဲ့လည်း စိမ်းကားစွာ အငြင်းပယ်ခံလိုက်ရသည့် အဖြစ်မျိုး သင်ကြုံဖူးပါသလား။ နားလည်မှုလွဲခြင်း (သို့) အထင်မှားမှုများကြောင့် ခံစားရချက်က မသက်သာ၊ မိမိစော်ကားမိသူ (သို့) မိမိကိုစော်ကားသူများက မိမိနှင့်အသိအကျွမ်းများဖြစ်ပါက ပိုနာကျင်လေဖြစ်သည်။ ကျွန်ုပ်တို့၏ခံစားချက် စိတ်နှလုံးသားကို သူတို့အား မြင်စေချင်စမ်းပါဘိ။

ဟေရှာယအနာဂတ္တိကျမ်း ၁၁:၁-၅ တွင် ပြီးပြည့်စုံသော တရားစီရင်ခြင်းအတွက်…

မှောင်မိုက်သောကာလ၊ လေးနက်သောဆုတောင်း

“ဆိုးဝါးမှောင်မိုက်တဲ့အခိုက်အတန့်ကို ကျွန်မကြုံတွေ့ခဲ့ရတယ်။” ဤစကားသည် ကမ္ဘာတစ်ဝန်းဖြစ်ပွားသော ကိုဗစ်-၁၉ အရေးပေါ်ကာလအတွင်း နာမည်ကျော် အနုပညာရှင်တစ်ဦး၏ စိတ်တွင်းမှပြင်းပြသော ဝေဒနာကို ထင်ဟပ်ဖော်ပြသည်။ အသစ်သောလူမှုဘဝဖြင့် ပုံမှန်နေသားကျရန် ချိန်ညှိနေထိုင်ရခြင်းသည် သူမအတွက် စိန်ခေါ်မှုများထဲမှ တစ်ခုဖြစ်ခဲ့ပြီး၊ အခြေအနေ ကမောက်ကမဖြစ်နေချိန်တွင် မိမိကိုယ်ကိုအဆုံးစီရင်ရန် အတွေးများဖြင့် ရုန်းကန်ခဲ့ရကြောင်းကို သူမ ဝန်ခံခဲ့သည်။ အောက်သို့ကျဆင်းနေသောအဖြစ်မှ လွတ်မြောက်ရန်ကြိုးစားရာ၌ သူမကို ဂရုပြုသည့် မိတ်ဆွေတစ်ဦးနှင့် အခက်အခဲများကို ရင်ဖွင့်ဝေမျှခဲ့ရသည်။

ကျွန်ုပ်တို့အားလုံးသည် ဗြောင်းဆန်နေသော အချိန်၊ နေ့ရက်၊ ရာသီတို့ကြောင့် ထိခိုက်လွယ်ကြသည်။ ဒုက္ခချိုင့်ဝှမ်းများနှင့် ခက်ခဲသောနေရာများသည် ကျွန်ုပ်တို့အတွက် အဆန်းမဟုတ်သော်လည်း ထိုနေရာများမှ ရုန်းထွက်ရန် ခက်ခဲနိုင်ပါသည်။ စိတ်ကျန်းမာရေးပညာရှင်များ၏ အကူအညီကို ရံဖန်ရံခါ လိုအပ်နိုင်ပါသည်။

ဆာလံကျမ်း ၁၄၃ ၌ ဘဝ၏ ဆိုးဝါးမှောင်မိုက်သောကာလတစ်ခုတွင် ဒါဝိဒ်၏ ဆုတောင်းခြင်းကို ကျွန်ုပ်တို့ ကြားသိရပြီး ထိုအရာအားဖြင့် သွန်သင်ခြင်းခံရသည်။ အဖြစ်အပျက်အတိအကျကို…

စိုင်မွန်၏အိမ်၌ စိတ်သက်သာရွှင်လန်းခဲ့ခြင်း

စိုင်မွန်၏အိမ်သို့အလည်သွားသည့် ခရီးစဉ်သည် ကျွန်တော့်အတွက် မမေ့နိုင်စရာဖြစ်ခဲ့သည်။ ကြယ်ရောင်လင်းလက်သည့် ကင်ညာနိုင်ငံ၊ ညာဟူရူရူမြို့၏ ညကောင်းကင်အောက်တွင် စိုင်မွန်၏အိမ်သို့ ညစာစားရန် ကျွန်တော်တို့သွားခဲ့သည်။ ဖုန်ပေနေသည့်ကြမ်းခင်းနှင့် ဖန်မီးအိမ်က စိုင်မွန်၏အခြေအနေကို ထင်ဟပ်ပြနေ သည်။ မည်သည့်ဟင်းလျာများ စားခဲ့သည်ကိုတော့ ကျွန်တော်မမှတ်မိတော့ပါ။ကျွန်တော်တို့သည် စိုင်မွန်အိမ်သို့အလည်လာသော စိုင်မွန်၏ဧည့်သည်များ ဖြစ်သောကြောင့် ဝမ်းမြောက်နေသည့် စိုင်မွန်၏အဖြစ်ကို ကျွန်တော်မမေ့နိုင်ပါ။ စိုင်မွန်၏ဧည့်ဝတ်ကျေပွန်မှုက သခင်ယေရှုကဲ့သို့ပင်ဖြစ်သည်။ အတ္တတစ်ကိုယ်ကောင်းစိတ်မရှိ၊ သက်ဝင်လျက် သက်သာရွှင်လန်းစေပါသည်။

ကောရိန္သုသြဝါဒစာပထမစောင် ၁၆:၁၅-၁၈ တွင် ရှင်ပေါလုက ဂရုစိုက်တတ်ပြီး ဧည့်ဝတ်ကျေသော သတေဖန်မိသားစုအကြောင်းကို ဖော်ပြထားသည်။ ထာဝရ ဘုရား၏လူတို့ကို ပြုစုအစေခံရန် သူတို့ကိုယ်ကိုကိုယ် ဆက်ကပ်ထားသည် (:၁၅)။ သူတို့၏ဧည့်ဝတ်ကျေမှုက မည်မျှသိသာသည်ဆိုလျှင် (:၁၇) ရှင်ပေါလုက “ငါ့စိတ်နှင့် သင်တို့စိတ်ကို သက်သာစေကြပြီ” (:၁၈)ဟု ထုတ်ဖော်ပြောသည့်အထိ ဖြစ်သည်။

အခြားသူများနှင့်ဝေမျှရန် အခွင့်ရသည့်အခါ အစားအသောက်၊ အပြင်အဆင်၊ ပွဲနှင့်လိုက်ဖက်သော အခြားအရာများကိုသာ…

ဖုန်တက်နေသည်ဟု ခံစားရခြင်း

ကျွန်ုပ်တို့၏အပတ်စဉ် အမှုဆောင်အဖွဲ့၏အစည်းအဝေးတွင် Warren (ဝေါရန်)က “ကျွန်တော်ဖုန်တက်နေပြီလို့ ခံစားနေရတယ်” ဟုပြောလိုက်ချိန်တွင် ၎င်းသည် အသက်ရလာခြင်း၊ ကျန်းမာရေးချို့တဲ့လာခြင်းတို့နှင့် သက်ဆိုင်သည့် ရုပ်ပိုင်းဆိုင်ရာပြဿနာများကို သူဆိုလိုချင်ကြောင်း ကျွန်တော်သဘောပေါက်လိုက်သည်။ အသက် (၆၀)‌ နှောင်းပိုင်းထဲ ရောက်နေပြီဖြစ်သော ဝေါရန်နှင့်ဇနီးသည်တို့အတွက် ၂၀၂၀ ခုနှစ်သည် ဆရာ၀န်လာကြည့်ရခြင်း၊ လိုအပ်သည့်ခွဲစိတ်မှုများပြုလုပ်ရခြင်း၊ အိမ်တိုင်ရာရောက် စောင့်ရှောက်မှုအတွက် ပြန်လည်စီစဥ်ရခြင်းတို့ ပါဝင်သည့်နှစ်ဖြစ်သည်။ ဘဝ၏အကောင်းဆုံးအချိန်ကို လွန်ပြီး ဘဝနေဝင်ချိန်သို့ ရောက်ရှိနေပြီဟု သူတို့ခံစားမိကြသည်။

ခန္ဓာပိုင်းဆိုင်ရာ၊ အသိပညာပိုင်းဆိုင်ရာ၊ စိတ်ခံစားမှုဆိုင်ရာ၊ ဝိညာဉ်ရေးဆိုင်ရာ ချို့တဲ့မှု၊ မပြည့်စုံမှုနှင့် အားနည်းမှုများကို အသက်ရှည်ရှည်နေရမှ ကျွန်ုပ်တို့ ခံစားသိရသည် မဟုတ်ပါ။ သားတော် သခင်ယေရှုအားဖြင့် လူ့ဇာတိခံယူသော ဘုရားသခင်သည် ကျွန်ုပ်တို့၏ ပျက်စီးသောကမ္ဘာမြေသို့ လာရောက်ကာ လူဖြစ်ရသည့်ဒုက္ခကို ခံစားနေရသူများအား ဂရုစိုက်ခဲ့သည် (ဆာ ၁၀၃:၁၃)။ ထပ်မံပြီး ဒါဝိဒ်က “အကြောင်းမူကား ငါတို့ကိုယ်ခန္ဓာကို သိတော်မူ၏။…

လုံခြုံသောလက်တော်

Doug Merkey (ဒါ့ဂ်မာကီ)၏ အသက်တာသည် ပြေလျော့နေသောကြိုးကဲ့သို့ပင် တစ်မျှင်ချင်း ကျိုးပဲ့လျက်ရှိနေသည်။ “အချိန်အတော်ကြာ တွန်းလှန်ခဲ့ရတဲ့ ကင်ဆာတိုက်ပွဲမှာ ငါ့အမေရှုံးနိမ့်ခဲ့တယ်။ ကြည်နူးစရာကောင်းခဲ့တဲ့ ရေရှည် အချစ်ရေးက အဆင်မပြေတော့ပါ။ ငါ့ငွေလည်း ကုန်ပြီ။ အသက်မွေးဝမ်းကြောင်းခရီးက မှုန်ဝါးနေတယ်။ ခံစားမှုပိုင်းနဲ့စိတ်ဝိညာဉ်ပိုင်းမှာ အမှောင်ထုက လွှမ်းမိုးနေပြီး အားအင်မဲ့လို့ နားမလည်နိုင်လောက်အောင် ဖြစ်နေတယ်”ဟု သင်းအုပ် ဆရာနှင့် ပန်းပုဆရာလည်းဖြစ်သူ ဒါ့ဂ်က ရေးသားခဲ့သည်။ ထိုအခြေအနေများနှင့် ကျဉ်းမြောင်းသောထပ်ခိုး၌ နေခဲ့ရသည့်အဖြစ်များက ‘The Hiding Place’ (ပုန်းခိုရာ) ဟူသည့် ပန်းပုလက်ရာကို ပေါ်ထွက်လာစေသည့် အခြေခံအကြောင်းတရားများဖြစ်သည်။ သံမှိုနှင့်အရိုက်ခံထားရကာ ခွက်ပုံစံလှစ်ဟထားသည့် ခရစ်တော်၏ လက်တော်ပန်းပုလက်ရာကို ခိုင်မာလုံခြုံသောနေရာအဖြစ် ဖော်ကျူးထားသည်။

ဒါ့ဂ်က သူ့လက်ရာဒီဇိုင်းနှင့်စပ်လျဥ်း၍ “ဒီပန်းပုဟာ ခရစ်တော်က သူ့ထံ လာရောက်ခိုလှုံဖို့ ဖိတ်ခေါ်နေခြင်းဖြစ်တယ်”ဟု ရှင်းပြသည်။ ဆာလံကျမ်း ၃၂ တွင် ဒါဝိဒ်သည် ဘုရားသခင်၌…

အချိန်မီသန္နိဌာန်

ဆိုင်မွန်နှင့် ဂျော်ဖရီ တို့ကြား မဖြေရှင်းဘဲရှိနေသည့်နာကျင်မှုမှာ နှစ်များစွာရှိမြဲရှိနေသည့်အတွက် တင်းမာနေသည့်ဆက်ဆံရေးကိုဖြေလျော့နိုင်ရန် ဆိုင်မွန်ကြိုးစားသည်။ ဂျော်ဖရီ၏မိခင် ကွယ်လွန်သည့်သတင်းကိုကြားသော် ဆိုင်မွန်သည် အသုဘအခမ်းအနားကို တက်ရောက်ရန် အာဖရိကတိုက်၊ ကင်ညာနိုင်ငံ ‘ကုန်းတွင်းပိုင်း’သို့ ခရီးပြုခဲ့သည်။ “အခြေအနေတစ်ခုလုံး ဘယ်လိုဖြစ်လာမလဲ ဆိုတာ ကျွန်တော် မမျှော်လင့်ထားပေမယ့် အသုဘအခမ်းအနားပြီးသွားတဲ့နောက်မှာ ကျွန်တော်တို့ ပွင့်ပွင့်လင်းလင်းနဲ့ အကျိုးရှိတဲ့စကားတွေ ပြောခဲ့ကြတယ်။ ကျွန်တော်တို့ ပွေ့ဖက်ကာ၊ ထိုအခိုက်အတန့်လေးကိုမျှဝေခံစားပြီး အတူတူ ဆုတောင်းခဲ့တယ်။ နောက်တစ်ခါ ထပ်တွေ့ဖို့ စီစဉ်ခဲ့ကြတယ်” ဟူ၍ သူတို့၏တွေ့ဆုံမှုကို ဆိုင်မွန်က ပြန်ပြောင်း ပြောပြခဲ့သည်။ ဆိုင်မွန်နှင့် ဂျော်ဖရီတို့သာ စောစောစီးစီးကျေအေးနိုင်ခဲ့လျှင် တစ်မြေ့မြေ့ခံစားနေရသည့် နာကျင်မှုကို ရှောင်ရှားနိုင်မည် ဖြစ်သည်။

ရှင်မဿဲခရစ်ဝင် ၅:၂၁-၂၆ မှ ရှင်ယေရှု၏စကားက မပြေလည်သည့် ဆက်ဆံရေးတင်းမာမှုကို အရှိကိုအရှိအတိုင်း မြင်နိုင်အောင် ကူညီပေးသည်။ စိတ်ဝမ်းကွဲမှုကို ဖြစ်စေသည့် အမျက်ဒေါသမှာ စိုးရိမ်စရာကိစ္စဖြစ်သည် (:၂၂)။…

ရဲရင့်သော ယုံကြည်ခြင်း

ဒုတိယကမ္ဘာစစ်အတွင်းက Prem Pradham (ပရမ်ပရာဒဲမ်) (၁၉၂၄-၁၉၉၈)၏ လေယာဥ်ပစ်ချခံရပြီးနောက် လုံခြုံရာသို့ လေထီးဖြင့်ဆင်းသက်စဥ် ဒဏ်ရာရသွားပြီး ကျန်ရှိသည့်တစ်ဘဝလုံး ခြေထောက်ချိနဲ့သွားသည်။ "ကျွန်တော်က ခြေမသန်ဘူး။ သို့သော် ဘုရားသခင်က ကျွန်တော့်ကို ဟိမဝန္တာတောင်တန်းမှာဧဝံဂေလိတရားဟောပြောဖို့ စေစားတယ်။ ဒါဟာ ဘုရားသခင်ရဲ့ထူးဆန်းမှုမဟုတ်ပါလား" ဟု သူရေးသားခဲ့သည်။ နီပေါနိုင်ငံ၌ သူတရားဟောခဲ့ပြီး ဆန့်ကျင်တားမြစ်ခံခဲ့ရသည်။ ဆိုးရွားလွန်းသည့်အခြေအနေကို အကျဥ်းသားများ ကြုံတွေ့ခံစားရသည့် ‘သေမင်းထောင်’၌ပါ ဖမ်းဆီးချုပ်နှောင်ခံခဲ့ရသည်။ (၁၅) နှစ်တာကာလအတွင်း ထောင် (၁၄) ခုတွင် သူ (၁၀) နှစ် အကျဥ်းကျခဲ့သည်။ သို့သော် သူ၏ရဲရင့်သောသက်သေခံမှုကြောင့် ထောင်လုံခြုံရေးအစောင့်နှင့် အကျဥ်းသားများသည် ခရစ်တော်ထံသို့ အသက်တာပြောင်းလဲပြီး၊ သခင်ယေရှု၏သတင်းစကားကို သူတို့လူမျိုးများထံသို့ ပြန်လည်ဆောင်ယူသွားကြသည့် ပြောင်းလဲခြင်းအသီးအပွင့်ကို တွေ့ခဲ့ရသည်။

တမန်တော်ပေတရုသည်လည်း ယေရှုကို ယုံကြည်ခြင်းကြောင့်၊ ခြေဆွံ့သူတစ်ဦး၏အနာကိုငြိမ်းစေရန် ဘုရားရှင်၏အသုံးတော်ခံပြီးသည့်နောက် (တ ၄:၉) ဆန့်ကျင်မှုများရင်ဆိုင်ရသည်။ သို့သော် ခရစ်တော်အတွက်…

သခင်ယေရှုအမည်နာမ

"သား၊ အဖေ့မှာမင်းကိုပေးစရာအများကြီးမရှိဘူး။ ဒါပေမဲ့ အဖေ့မှာနာမည်ကောင်းရှိတယ်။ ဒါ့ကြောင့် အလဟဿဖြစ်အောင်မလုပ်ပါနဲ့" ဟူသည့် အမြော်အမြင်ရှိပြီးလေးနက်သည့် စကားကို Johnnie Bettis (ဂျွန်နီဘက်တိစ်)က ကောလိပ်တက်ရန် အိမ်မှထွက်ခွာသွားတော့မည့်သား Jerome (ဂျယွန်းမ်)အား ပြောခဲ့ခြင်းဖြစ်သည်။ နာမည်ကျော် အမေရိကန် ထူးချွန်ဘောလုံးကစားသမားအား ဆုချီးမြှင့်ပွဲတွင် Jerome က သူ့ဖခင်၏စကားကို ကိုးကားပြီး မိန့်ခွန်းပြောခဲ့သည်။ ဤပညာရှိစကားကို သူ့ဘဝတစ်လျှောက်လုံး မှတ်သားထားပြီး သူ၏သားကိုလည်း "သား၊ ငါတို့ရဲ့နာမည်ကောင်းထက် ပိုအရေးပါတဲ့အရာပေးဖို့ အဖေ့မှာဘာမှမရှိဘူး" ဟုအလားတူစကားကိုပြောပြီး သူ၏စိတ်ဝင်စားဖွယ်မိန့်ခွန်းကို နိဂုံးချုပ်ခဲ့သည်။

သခင်ယေရှုကို ယုံကြည်သူတို့အတွက် နာမည်ကောင်းသည် အရေးကြီးသည်။ ကောလောသဲသြဝါဒစာ ၃:၁၂-၁၇ မှ ရှင်ပေါလု၏စကားများက မည်သူအား ကျွန်ုပ်တို့ကိုယ်စားပြုသည်ကို သတိပေးထားသည် (:၁၇)။ ပင်ကိုအကျင့်စရိုက်ဆိုသည်မှာ မိမိဝတ်ဆင်သည့် အဝတ်အထည်နှင့်တူပြီး အထက်ပါကျမ်းပိုဒ်တွင် "သခင်ယေရှုတံဆိပ်" ခတ်နှိပ်ထားသည့်အထည်များကို ဖော်ပြထားသည်။ "ထို့ကြောင့် သင်တို့သည် ဘုရားသခင်ရွေးကောက်သောသူ၊ သန့်ရှင်းသောသူ၊…

သမ္မာကျမ်းစာ လေ့လာခြင်း

J. I. Packer (ဂျေအိုင်ပက်ကာ) (၁၉၂၆-၂၀၂၀) ရေးသားသည့် Knowing God (ဘုရားသခင်ကို သိကျွမ်းခြင်း) စာအုပ်တွင် သမ္မာကျမ်းကို 'ထုံးလိုချေ ရေလိုနှောက်ကျမ်းကျေသူများ'ဟု သူသတ်မှတ်ထားသည့် ယုံကြည်သူ (၄) ဦးအကြောင်း ဖော်ပြထားသည်။ သူတို့သည် ဓမ္မပညာရှင်များ မဟုတ်ကြသော်လည်း ဘုရားသခင်ကို သိကျွမ်းရန် သစ်ကိုက်ပိုးဗီဗာကဲ့သို့ နှုတ်ကပတ်တော်ကို ထဲထဲဝင်ဝင် အားထုတ်လေ့လာသည်။ Packer က "ကျမ်းစာလေ့လာခြင်းအားဖြင့် ဘုရားသခင်ကို သိကျွမ်းခြင်းသည် ဓမ္မပညာရှင်များအတွက်သာ မဟုတ်ပါ။ ဓမ္မကြောင်းအရ မတိမ်းမစောင်းမှန်ကန်မှုအပေါ် ကျေနပ်နေသည့် ဓမ္မပညာရှင်ထက်စာလျှင် သန့်ရှင်းသောဝိညာဥ်တော်ပြည့်ဝပြီး ကျမ်းစာဖတ်လျက် တရားဒေသနာခံယူသူသည် သူ၏ဘုရား၊ သူ၏ကယ်တင်ရှင်နှင့် ပို၍နက်ရှိုင်းစွာရင်းနှီးအကျွမ်းဝင်လိမ့်မည်" ဟု ကောက်ချက်ချသည်။

ဝမ်းနည်းဖွယ်ရာမှာ သမ္မာကျမ်းစာကိုလေ့လာသူတိုင်းက နှိမ့်ချသောနှလုံးသား များဖြင့် ကယ်တင်ရှင်အား တိုး၍သိကျွမ်းရန်၊ ဘုရားသခင်နှင့်တိုး၍ မိတ်ဿဟာယ ဖွဲ့ရန်၊ ကိုယ်တော်နှင့် တိုး၍တူလာရန်ဆိုသည့်စိတ်ဖြင့် လေ့လာခြင်း မရှိပါ။…